“Zirə” qalib gəldi
29-06-2017, 23:13.
Bu gün Azərbaycan klubları üçün yeni avrokubok mövsümü start götürüb.
SİVİL.AZ xəbər verir ki, ilk olaraq mübarizəyə Avropa Liqasının I təsnifat mərhələsində çıxış edəcək “Zirə” qoşulub.
Saat 21:00-dan etibarən azərbaycanlı futbolsevərlərin diqqəti “Dalğa Arena”ya yönəlib. Çempionatda 4-cü yeri tutan və bunun sayəsində Avropa Liqasına yolu açılan “Zirə” avrokuboklarda debüt matçına çıxıb.
Əslində, paytaxt təmsilçisi ötən mövsümdə də Avroliqaya vəsiqə qazanmışdı. Amma həmin vaxt klubun fəaliyyət müddəti 3 ili əhatə etmədiyindən, Azərbaycan çempionatının “gümüş”ünü təmin edən komanda avrokuboklara buraxılmamışdı. Bu mənada, bakılılar üçün sabahkı oyun böyük önəm kəsb edirdi.
“Zirə” debüt matçındaca azarkeşləri sevindirmək niyyətindəydi. Lüksemburq təmsilçisi - o qədər də güclü olmayan “Differdanj” önündə bu missiyanın yerinə yetiriləcəyi isə real görünürdü.
İlk yarıda klubunun Avropadakı ilk qolunun müəllifi kimi adını tarixə yazdıran Qadze hesabı açıbsa, fasilədən sonra da Abbasovun yetirmələri fəal görünüb. 80-ci dəqiqədə baxımlı baş zərbəsiylə hesab arasındakı fərqi artıran Belfort komandasının üstünlüyünü möhkəmlədib. Beləliklə, "qartallar" ilk dueldə qol buraxmadan qələbə qazanaraq məqsədinə çatıb.
Avropa Liqası
I təsnifat mərhələsi
İlk oyun
29 iyun
Zirə (Azərbaycan) - Differdanj (Lüksemburq) - 2:0
Qollar: Riçard Qadze, 22. Kervens Belfort, 80.
Hakimlər: Daniyar Saxi, Yuri Tixonyuk, Alibek Aubakirov, Marat İskakov (hamısı Qazaxıstan).
Hakim-inspektor: İqor Satki (Moldova).
UEFA nümayəndəsi: Cem Cenk (Türkiyə).
Bakı. “Dalğa Arena”.
“Zirə”: 1. Anar Nəzirov, 3. Jozef Bum Li, 7. Orxan Əliyev (6. Rəşad Sadiqov, 46), 8. Milan Dyuriç, 9. David Manqa, 10. Kervens Belford, 11. Viktor İqbokoyi (4. Vüqar Mustafayev, 61), 14. Qabriel Matey, 23. Yovan Krneta, 28. Təmkin Xəlilzadə, 43. Riçard Qadze
Ehtiyat oyunçular: 85. Kamal Bayramov, 4. Vüqar Mustafayev, 5. Adil Nağıyev, 6. Rəşad Sadiqov, 13. Aleksandr Şemonyayev, 39. Sadiq Quliyev, 99. Nicat Qurbanov
Baş məşqçi: Ayxan Abbasov
“Differdanj”: 30. Julian Veber, 4. Andre Almeyda Rodrigez, 7. Yannik Bastos, 11. Kotier Karon, 12. David Fluirval, 17. Yordan Yeye, 19. David Vandenbrok, 21. Matias Yaniş, 25. Cofri Franzioni, 27. Duayn Holter, 28. Munir Hamzui
Ehtiyat oyunçular: 1. Patik Vorre, 6. Farid İkene, 9. Nikolas Perez, 15. Culiano Cekson, 20. Jilles Betmer, 23. Canliuka Bey, 34. Çadli Amiri
Baş məşqçi: Paskal Qarzaniqa (Fanat.Az)
Geri qayıt