“Astra” – “Zirə” matçının hakimləri
10-07-2017, 16:26.
Avropa Liqasının II təsnifat mərhələsində keçiriləcək “Astra” – “Zirə” matçının hakim təyinatları açıqlanıb.
SİVİL.AZ-ın məlumatına görə, UEFA Rumıniyadakı qarşılaşmaya belaruslu hakimlər briqadasını göndərəcək.
Oyunda ədalət təmsilçisi Sergey Sinkeviç olacaq. Ona Vitali Malyutin və Yevgeni Romanov kömək edəcəklər. Qarşılaşmanın 4-cü hakimi funksiyasını Viktor Şimusik yerinə yetirəcək.
Qeyd edək ki, iyulun 13-də “Marin Anastasoviçi” stadionunda keçiriləcək “Astra” – “Zirə” qarşılaşması Bakı vaxtı ilə saat 21:30-da start götürəcək. (Apasport.az)
Geri qayıt