Elza Seyidcahan Yazıçılar Birliyinə üzv oldu? -
28-03-2017, 16:25.
Sosial şəbəkələrdə bəstəkar-müğənni Elza Seyidcahanın Azərbaycan Yazıçılar Birliyinə (AYB) üzv olduğu barədə məlumatlar yayılıb.
Qeyd edək ki, əməkdar artist son illərdə özünəməxsus şeirləri ilə gündəmə gəlməkdədir. Bu səbəbdən də yayılan xəbərlərə inananlar da az olmayıb. Məsələ ilə bağlı AYB-dən rəsmi açıqlama verilib.
Qurumun mətbuat katibi Xəyal Rza missiya.az saytına açıqlama verərək bildirib: “Azərbaycan Yazıçılar Birliyinin Elza Seyidcahan adlı üzvü yoxdur. Onun quruma üzv qəbul olunması barədə yayılmış məlumatlar həqiqəti əks etdirmir”.
Elza Seyidcahan musavat.com-a açıqlamasında qeyd edib ki, heç vaxt bu quruma üzv olmaq üçün müraciət etməyib: “Yaxın günlərdə Almaniyada yaşayan tanınmış rəssamlardan birinin mənim şeirlərimə həsr etdiyi rəsmlərdən ibarət kitab çap olunacaq. Həmin kitabda mənə məxsus olan şeirləri görə biləcəksiz”.
Geri qayıt