“Qarabağ” Çempionlar Liqasının qrup mərhələsində! -
24-08-2017, 01:05.
Azərbaycanın “Qarabağ” klubu Çempionlar Liqasının qrup mərhələsinə vəsiqə qazanıb.
SİVİL.AZ bildirir ki, səfərdə Danimarkanın “Kopenhagen” komandasına qarşı cavab oyununda Qurban Qurbanovun yetirmələri məğlub olsalar da, vurulan qol sayəsində sərfəli nəticə əldə ediblər.
“Parken” stadionunda keçirilən qarşılaşma meydan sahiblərinin 2:1 hesablı qələbəsi ilə yekunlaşıb.
Hesabı 45-ci dəqiqədə Federikko Santander açıb. 63-cü dəqiqədə Dino Ndlovu “Qarabağ”ın tarixi qolunu vuraraq oyunda tarazlığı bərpa edib. Lakin bu qoldan cəmi 3 dəqiqə sonra Pavloviç yenidən “Kopenhagen”i hesabda irəli çıxarıb. Bundan artığına isə Danimarka klubunun gücü çatmayıb.
İlk oyunda Bakıda rəqibini 1:0 hesabı ilə məğlub edən Ağdamın “Qarabağ” klubu Azərbaycan futbol tarixində Çempionlar Liqasının qrup mərhələsinə vəsiqə qazanan ilk komanda olub.
UEFA Çempionlar Liqası
Pley-off mərhələsi
23 avqust
“Kopenhagen” (Danimarka) - “Qarabağ” (Azərbaycan) - 2:1
Qollar: Santander, 45, Pavloviç, 66 - Dino, 63
Geri qayıt