ANS açılacaq? - MTRŞ-dən
21-09-2017, 17:45.
Milli Televiziya və Radio Şurası (MTRŞ) ANS televiziyasının yenidən fəaliyyətə başlayacağı haqda şirkətin prezidenti Vahid Mustafayevin fikirlərinə münasibət bildirib.
SİVİL.AZ xəbər verir ki, MTRŞ-nin aparat rəhbəri Toğrul Məmmədov bildirib ki, ANS TV-nin açılması mümkün deyil.
"Bu barədə Ali Məhkəmənin qərarı mövcuddur. Şuranın qərarı qüvvədə saxlanılıb. Bundan başqa daha nə demək olar? Faktiki olaraq, Şura qərarını verib. Məhkəmə tərəfindən qərara dəyişiklik olunmayıb" - T. Məmmədov ANS-lə bağlı məsələyə aydınlıq gətirib. MTRŞ rəsmisi əlavə edib ki, yaxın vaxtlarda Azərbaycanda yeni telekanalın yaradılması gözlənilmir.
Qeyd edək ki, Vahid Mustafayev müsahibəsində ANS-in yenidən açılacağını bildirib. (azvision.az)
Geri qayıt