ATV-nin rəhbərliyinə gətirilən Azər Xəlilov kimdir? -
26-09-2017, 16:11.
Xəbər verdiyimiz kimi, bu gün ATV-nin prezidenti Vüqar Qaradağlının işdən azad olunmasından sonra kanalın idarəçiliyi müvəqqəti olaraq CBC (“Caspian International Broadcasting Company”) telekanalının baş direktoru Azər Xəlilova həvalə olunub.
SİVİL.AZ Oxu.Az-a istinadla xəbər verir ki, A. Xəlillov Bakı şəhərində anadan olub. Moskva Dövlət Universitetinin Jurnalistika fakültəsinin məzunudur. 2001-ci ildən etibarən uzun müddət “BBC Azərbaycan”da çalışıb. 2012-ci ildə “ATV İnternational” televiziyasına rəhbərlik edib. 2013-cü ildən etibarən “CBC” telekanalının baş direktoru kimi fəaliyyət göstərir.
Prezident İlham Əliyevin 20 iyul 2015-ci ildə imzaladığı “Azərbaycan Respublikasının kütləvi informasiya vasitələri əməkdaşlarına fəxri adların verilməsi haqqında” sərəncamı ilə “Əməkdar jurnalist” fəxri adına layiq görülüb.
Məşhur telejurnalist Sevinc Osmanqızının keçmiş həyat yoldaşıdır.
Geri qayıt