Əsas Səhifə > Azərbaycan / Melange / Manşet / Sağ xəbərlər > Qarabağda müharibə tələb edən aksiya iştirakçıları saxlanılıb

Qarabağda müharibə tələb edən aksiya iştirakçıları saxlanılıb


26-05-2020, 16:51.
title}
Qarabağda müharibə tələb edən aksiya iştirakçıları saxlanılıb


Mayın 26-da bir qrup fəal Milli Məclisin binası qarşısında “Qarabağda müharibə tələb edirik” adlı mitinq keçirməyə cəhd edib.

CivilAzerbaijan.com
Turan-a istinadla xəbər verir ki, aksiya iştirakçılarının bildirdiyinə görə, onlar parlamenti deputatların ölkənin maraqlarını müdafiə etməməsində günahlandırırlar.

“Ermənilər Şuşanı paytaxt elan edirlər. Bizim parlamentin 99 deputatı isə İrandan Azərbaycanın işğal olunmuş ərazilərinə körpünün çəkilməsinə razılıq verir. Buna görə də biz etiraz edirik”, - iştirakçılardan biri deyib.

Hadisə yerinə gələn polis dəstələri etiraz aksiyasının iştirakçılarını saxlayıb.

Müsavat Partiyasının üzvü İlqar Mahmud polis maşınında aparılıb. Digər 11 iştirakçı avtobusla polis bölməsinə aparılıb. Qalanları aksiya yerindən uzaqlaşdırılıb.
Geri qayıt