Əsas Səhifə > Azərbaycan / Elm və Kültür / Melange / Manşet / Üst manşet > Müsavat Partiyasının itkin düşmüş üzvünün qətlə yetirildiyi MƏLUM OLUB
Müsavat Partiyasının itkin düşmüş üzvünün qətlə yetirildiyi MƏLUM OLUB14-05-2024, 18:46. |
Daxili İşlər Nazirliyinin Mətbuat xidmətinin bildirdiyinə görə, mayın 10-da yoxa çıxdığı bildirilən Müsavat Partiyasının fəalı Natiq Mehdi (Ulubəy) iş yoldaşı tərəfindən qətlə yetirilib. Civilazerbaijan.com bildirir ki, DİN-in məlumatında qətlin Elsevər İslamov tərəfindən törədildiyi, bununla yanaşı, qətlin motivləri barədə hələ məlumatın olmadığı qeyd olunub. Müsavat Partiyası, Natiq Mehdinin ailəsi və bu iş üzrə vəkil qətllə bağlı hələ münasibət bildirməyib. Natiq Mehdinin ailəsindən Amerikanın Səsinə deyiblər ki, o Bakının Günəşli qəsəbəsindəki məktəblərin birində mühafizəçi işləyirmiş. Xatırladaq ki, Müsavat Partiyası bu gün fəalının yoxa çıxması barədə məlumat yayıb. Partiyanın bildirdiyinə görə, Mehdi mayın 10-da öz avtomobili ilə evdən çıxıb və geri qayıtmayıb. "Ailə üzvləri onun yoxa çıxması barədə polisə məlumat verib", məlumatda qeyd edilir. Natiq Mehdi Müsavat Partiyasının Səbail Rayon Təşkilatının sədr müavini idi. O, aprel ayında partiyanın başqanlığına öz namizədliyini irəli sürüb, lakin qurultaya bir neçə gün qalmış namizədliyini geri götürüb. Geri qayıt |