ABŞ bildirib ki, Ukrayna ilə "çiyin-çiyinə dayanmağa davam edəcək"
15-08-2024, 13:11.
Çərşənbə günü ABŞ Kremlin təcavüzünə qarşı mübarizə aparan Ukrayna ilə "çiyin-çiyinə dayanmağa davam edəcəyini" təsdiqləyib.
Civilazerbaijan.com bildirir ki, bu barədə brifinq zamanı Dövlət Departamentinin mətbuat katibinin müavini Vedant Patel Turan-ın sualını cavablandırarkən danışıb.
Patelin şərhləri" Avrasiyaya kuratorluq edən əsas amerikalı diplomat Ceyms O 'Brayen Kiyevə səfərini başa vurduqdan sonra səslənib. Kiyevdə O'Brayen ukraynalı tərəfdaşlarımıza dəstək yollarını müzakirə edib", - Patel deyib.
O 'Brayen Ukraynanın yüksək vəzifəli şəxslərilə görüşüb və savaş meydanındakı mövcud vəziyyəti, Ukrayna və ABŞ arasındakı müdafiə müqavilələrinin statusunu müzakirə edib, Ukrayna mənbələri bildirirlər.
Çərşənbə günü ABŞ-ın müdafiə naziri Lloyd Ostin ukraynalı həmkarı Rüstəm Umerov ilə Ukraynanın təhlükəsizlik sahəsində və cari əməliyyatlarında yardım üzrə prioritet səylər barədə danışıb.
"Dövlət katibi Ostin və nazir Umerov Ukraynanın təxirəsalınmaz hərbi ehtiyaclarının təmin edilməsində müttəfiqlərin və tərəfdaşların qətiyyətli dəstəyini müzakirə ediblər. Nazir Umerov döyüşlərin dinamikası, eləcə də Rusiyanın Ukraynaya davam edən təcavüzünün təsiri barədə yenilənmiş məlumatı təqdim edib", Pentaqonun məlumatında deyilir.
Qeyd edək ki, Ukrayna qoşunlarının Rusiyanın Kursk vilayətinə hücumu səkkizinci gündür ki, davam edir. Son məlumatlara görə, Ukraynanın daha iki desant-hücum briqadası - 82-ci və 95-ci briqadalar döyüşə başlayıblar, Forbes yazır.
Bu qüvvələri nəzərə alaraq, Kursk istiqamətindəki Ukrayna korpusuna altı briqada, üstəgəl iki ayrı batalyon və pilotsuz təyyarələrin yardımcı bölmələri, artilleriya, kəşfiyyat və xüsusi təyinatlı qüvvələr daxildir. Ümumilikdə, bu, təxminən 15 minə yaxın hərbçidir", - nəşr bildirir.
Kursk vilayətinə göndərilən briqada və batalyonların bir hissəsi cəbhənin digər hissələrindən köçürülür. Xarici Siyasət Araşdırmaları İnstitutunun analitiki Rob Linin fikrincə, bu, Ukraynanın miqyaslı hədəflərindən, o cümlədən Kursk vilayətində uzunmüddətli qala bilməsindən xəbər verir.
Rusiyalılar doqquz moto-atıcı, desant-hücum alayı və briqadasının qüvvələrilə müdafiə olunurlar ki, bu da potensial olaraq Ukrayna qüvvələrinin sayını üstələyir. Eyni zamanda, Rusiya qoşunları Ukraynanın şərqindəki hücumu dayandırmır, hətta bu sahədə müdafiəni gücləndirir.
Nəşrin yazdığına görə, hər iki tərəfin itkiləri artır, çünki döyüşə yeni qüvvələr girir. Ukraynalılar hələ də üstünlüyə malikdirlər və çox güman ki, Kursk istiqamətindəki Rusiya hərbi komandanlığı ehtiyatların ikinci eşelonunu yerləşdirməli olacaq, çünki birinci eşelonun qoşunları hücumu dayandıra bilməyəcəklər.
Avqustun 6-da Ukrayna Silahlı Qüvvələrinin Rusiyanın Kursk vilayətində əməliyyatı başlayıb. Çərşənbə günü, avqustun 13-də Ukrayna Silahlı Qüvvələrinin baş komandanı Aleksandr Sırski bildirib ki, Kursk vilayətinin 74 yaşayış məntəqəsi və min kvadrat kilometrdən çox ərazi Ukrayna qüvvələrinin nəzarəti altındadır.
Geri qayıt