Amerikanın Qızıl Dövrü başlanır - DONALD TRAMP
Dünən, 00:01.
ABŞ-ın 47-ci prezidenti olaraq and içdikdən sonra söylədiyi nitqdə Prezident Donald Tramp “Amerikanı birinci yerdə” qoyacağını vəd edib. “Amerikanın qızıl dövrü indi başlanır”, Tramp inaqurasiya çıxışında bəyan edib.
Civilazerbaijan.com bildirir ki, nitqinin ilkin hissəsində Tramp mərasimə qatılan sabiq prezidentlərə, o cümlədən Prezident Co Baydenə minnətdarlığını ifadə edib.
“Bu gündən etibarən bizim ölkə çiçəklənəcək və dünya boyu yenidən hörmət olunacaq”, Tramp deyib. “Biz hər bir millətin həsəd obyekti olacağıq və başqalarına bizdən sui-istifadə etməyə imkan verməyəcəyik”.
İlkin ifadələrdən sonra Tramp keçmiş siyasi rəqiblərinin ünvanına tənqidlər səsləndirib və siyasətdə baş verəcək əsaslı dəyişikliklərin anonsunu verib.
Bir qədər aralıqda Bayden əyləşmişkən, Tramp sələfinin administrasiyasının “daxildə adi böhranla ayaqlaşa bilmədiyini” və “xaricdəki fəlaklətli” olayların öhdəsindən gələ bilmədiyini vurğulayıb.
Tramp Ədliyyə Nazirliyindən silah kimi istifadə edilməsinə son qoyacağını bəyan edib.
“Ədalətin tərəzisi balanslaşdırılacaq. Ədliyyə Nazirliyindən və hökumətdən yırtıcı, zorakı və ədalətsiz qaydada slah kimi istifadə edilməsinə son qoyulacaq”, o bildirib.
Donald Tramp 47-ci prezident olaraq milli uğur erasının başlanğıcında “arxayın və nikbin” olduğunu bəyan edib.
O, ölkənin böyük dəyişikliklər astanasında olduğunu bildirərək Amerikanın fürsəti qaçırmayacağına diqqət çəkib.
Prezident Tramp hakimiyyətinin ilk günündə bir neçə fərmanlar verəcəyini elan edib.
“Bu gün mən tarixi fərmanlar imzalayacağam. Bu addımlarlara biz Amerikanın tam bərpasına və sağlam zəkanın inqilabına başlayacağıq”, o bildirib.
47-ci prezident bu fərmanlar arasında cənub sərhədləri ilə bağlı ölçülərin prioritet olacağını söyləib, Amerikanın Səsinin məlumatında qeyd olunur.
Geri qayıt