Yəməndə vəba epidemiyası nəticəsində 500 nəfər ölüb
29-05-2017, 23:38.
Yəməndə vəba epidemiyası 500 nəfərin həyatına son qoyub.
SİVİL.AZ-ın verdiyi məlumata görə, bu barədə Ümumdünya Səhiyyə Təşkilatının mətbuat katibi Tarik Yazareviç bildirib.
Onun sözlərinə görə, son bir ay ərzində Yəmənin 19 vilayətində vəba xəstəliyindən 500 nəfər ölüb. “Ölənlərin sayı 2016-ci ilin oktyabrı 2017-ci ilin martı dövrü ilə müqayisədə dörd dəfə artıb”, deyə T.Yazareviç bildirib.
Qeyd edək ki, Yəmən hökuməti vəba epidemiyası barədə ilk dəfə 2016-cı ilin oktyabrında məlumat verib. Ümumdünya Səhiyyə Təşkilatı risk zonasında 7,6 milyon insan yaşadığını açıqlayıb. (APA)
Geri qayıt