Sazlı-sözlü PREZİDENTLƏR -
30-05-2017, 21:10.
Hansı dövlətin başçısı hansı musiqi alətində daha gözəl ifa edir?
Onlar da bizim kimi ətdən-sümükdəndir. Əsəbləri, sevincləri, həyəcanları, xobbiləri var. Işdən-siyasətdən çox yorulanda musiqiyə də sığına bilərlər. Amma onların bu üzünü çox tanıyan yoxdur. Zaman-zaman hansısa tədbirlərdə bu detal üzə çıxmasa, təbii ki, onların oxuma-çalma qabiliyyəti də gün üzünə çıxmır.
BİRİ CASTİN TİMBERLEYKİN MAHNISINI İFA EDİR, O BİRİ MANHI YAZIR, BİR BAŞQASI...
Amma dünya mətbuatı bu sayaq faktlardan xali deyil. Zaman-zaman tanınmış prezidentlər, siyasətçiləri royal başında və ya qucağına gitara ilə görmək mümkündür.
SİVİL.AZ “musiqili prezidentlərin” siyahısını hazırlayıb. Ortaya maraqlı mənzərələr çıxıb.
Öncə keçmiş SSRİ məkanındakı ölkələrdən başlayaq. Türkmənistan prezidenti Qurbanqulu Berdiməhəmmədov bir neçə il öncə hökumətdə təmsil olunan məmurların nəvələri üçün təşkil edilən Yeni il şənliyində müəllifi olduğu mahnıları ifa edib. O həmçinin nəvələri ilə birgə Castin Timberleykin mahnısını oxuyub. Dövlət başçısı həm də gitarada ifa etmək qabiliyyətinə görə seçilir. Onun “İrəli, irəli, yalnız irəli, sevimli vətən Türkmənistan!” mahnısını eyni anda 4 166 insan səsləndirib.
Qırğızıstan prezidenti Almazbek Atambayevin də bu siyahıda xüsusi yeri var. Bu günə qədər Atambayev 5 mahnı yazıb. Onun ən məşhur mahnısı isə “Taleyin acığına” adlanırdı. Bu mahnı yerli musiqi siyahılarında və sosial şəbəkələrdə rekord həddə izlənmişdi.
Rusiya prezidenti Vladimr Putin də royalda ifa etməyi bacarır. Uşaq onkoloji xəstəliklərinin müalicəsi üçün təşkil edilmiş xeyriyyə gecəsində Putinin tamamilə gözlənilməz ifası hər kəsin yaddaşında dərin iz buraxdı. Onun bu yaxınlarda royalda ifa etdiyi mahnı da Azərbaycanda ciddi maraqla qarşılanmışdı.
NAZARBAYEV DOMBREDƏ İFA EDİB VƏ HİMN YAZIB
Qazaxıstan prezidenti Nursultan Nazarbayev də zamanında rəngli mənzərələrə səbəb olub. Təbii ki, bu cür musiqi qabiliyyətini nümayiş etdirdiyinə görə. Nazarbayev dombredə ifaə etməyi və mahnı oxumağı bacarıb. Əvvəllər o, dombro ilə publika qarşısına daha tez-tez çıxardı, amma indi o, nadir hadisəyəyə çevrilib. Bundan başqa, o, dövlət himninin həmmüəlliflərindən sayılır və bir neçə mahnıya söz yazıb. Prezidentin müəllif mahnıları, eləcə də onun sevimli xalq mahnıları da xüsusi bir saytda yerləşdirilib.
Rusiya prezidenti Vladimir Putin də musiqi istedadı ilə təəccübləndirməyi bacarıb. Onun xeyriyyə məclislərinin birində gözlənilməz ampluada royalda ifa edib.
AMERİKA PREZİDENTLƏRİ – SAZLI-SÖZLÜ
Amerika Birləşmiş Ştatının eks prezidenti və eyni zamanda prezidentliyə namizədliyini irəli sürmüş Hilari Klintonun həyat yoldaşı Bill Klinton uşaqlıqdan musiqiçi olmaq istəyirdi. Hətta 1993-cü ildə öz qonaqlarını saksafondakı ifası ilə sevindirirdi. Həmin vaxt onun innaqurasiya mərasimi təşkil olunmuşdu.
ABŞ-ın daha bir eks prezidenti Barak Obama isə daha çox “ifaçılıq” qabiliyyətini nümayiş etdirib. O, bir neçə dəfə oxuduğu mahnılarla publikanın simpatiyasını qazanıb.
ABŞ-ın 43-cü prezidenti Corc Buş (kiçik) hər hansı musiqi alətində ifa etməsə də, hərbi orkestrə dirijorluq etməyi sevirdi. Bu işlə Rusiyanın mərhum prezidenti Boris Yeltsin də məşğul olurdu və bununla bağlı bir neçə dəfə fotokameranın yaddaşına da düşmüşdü.
Venesuellanın mərhum prezidenti Uqo Çaves isə gitarada ifa etməyi və inqilabi janrda mahnıları oxumağı çox sevirdi.
Ukraynanın dördüncü prezidenti Viktor Yanukoviç gitarada ifa etməyi çox sevirdi. O, bir dəfə ölkə jurnalistlərini evinə qonaq dəvət edəndə onlar üçün gitarada mahnı ifa etmişdi.
SSRİ-nin birinci və yeganə prezidenti olan Mixail Qorbaçov Putin kimi royalda ifa etməyi bacarmasa da, çox gözəl mahnı oxumaq qabiliyyəti var. Hətta bu yaxınlarda o, mərhum həyat yoldaşı Raisa Maksimovnanın xatirəsinə həsr olunmuş bir disk də çıxarıb.
SSRİ-nin eks prezidenti həyat yoldaşının sevdiyi romansları Andrey Makareviçlə birgə hazırlayıb və diskə köçürüb. (Musavat.com)
Geri qayıt