Azərbaycana deportasiya edilməmək üçün özünü benzinlə yandırdı
12-09-2019, 10:52.
Almaniyada daha bir həmvətənimiz özünə qəsd edib.
CİVİL AZERBAİJAN bildirir ki, “Leqat” inteqrasiya mərkəzinin məlumatında deyilir ki, Sumqayıt şəhər sakini 34 yaşlı Emil Bağırov Hermefkeil şəhərində məskunlaşdığı qaçqın düşərgəsində üzərinə benzin tökərək özünü yandırıb.
Məlumatda bildrilir ki, Almaniya Miqrasiya və Qaçqınlarla iş üzrə Federal İdarə (BAMF) tərəfindən sığınacaq istəyi rədd edilən 34 yaşlı həmvətənimiz Azərbaycana deportasiya edilməsi ilə bağlı məktubu aldıqdan sonra Hermefkeil şəhərinin Sosial İdarəsinə (Sozialamt- red) gedib. Orada idarə məmurları ilə mübahisə edən E.Bağırov özü ilə gətirdiyi benzini üzərinə tökərək özünü yandırıb.
Hadisə yerinə dərhal təcili yardım briqadası cəlb edilib. Həmvətənimizin yanıq xəsarətləri ağır olduğundan o, helikopter vasitəsi ilə Lüdviqshafen şəhərindəki xəstəxanaya çatdırılıb.
Hazırda həmvətənimizin vəziyyəti ağır olaraq qalır.
Geri qayıt