İran ABŞ-la danışıqlara başlayır? -
26-01-2020, 17:20.
Amerikanın İranın yüksək rütbəli generalını dron ilə öldürməsinə baxmayaraq, İran Birləşmiş Ştatlarla danışıqlar aparmağa hazırdır. Bu barədə İranın xarici işlər naziri şənbə günü yayımlanan müsahibəsində bildirib.
CivilAzerbaijan.com-un məlumatına görə, Məhəmməd Cavad Zərif cümə günü Tehranda Almaniyanın Der Spiegel jurnalına verdiyi müsahibədə bildirib ki, o, "insanların yanaşmlarının dəyişmək və reallıqları dərk edə bilmək ehtimalını" istisna etmir.
Prezident Donald Trump 2018-ci ildə Birləşmiş Ştatları İranla əldə olunan nüvə razılığından geri çəkəndən bəri Vaşinqtonla Tehran arasında gərginilklər artıb. ABŞ o zamandan bəri Terhana İran iqtisadiyyatını çökdürən sərt sanksiyakar tətbiq edib.
Lakin Zərif müsahibəsində İranın danışıqlara hazır olduğuna işarə edib, enyi zamanda isə ölkəsinin daha öncə də tələb etdiyi kimi bunun üçün ilk olaraq ABŞ-ın sanksiyaları aradan qaldırmalı olduğunu söyləyib.
"Bizim üçün Ağ Evdə kimin oturduğu vacib deyil, mühüm olan onların necə davrandıqlarıdır. Trump administrasiyası keçmişi düzəldə, sanksiyaları qaldıra və yenidən danışıq masasına otura bilər. Biz hələ də danışıq masasındayıq. Danışıqları tərk edən onlardır", Zərif Der Spiegel-ə bildirib.
Trump 2015-ci ildə əldə olunan razılığa yenidən nəzər salınmalı olduğunu deyib, çünki razılığa İranın balistik raket proqramı və regional münaqişələrdəki rolu daxil edilməyib. Nüvə razılığını imzalayan digər ölkələr, yəni Almaniya, Fransa, Britaniya, Çin və Rusiya razılığı ayaqda tutmaq üçün mübarizə aparır.
ABŞ-ın yanvarın 3-də İnqilab Keşikçiləri Korpusuun generalı Qasem Soleimaninin ölümü ilə nəticələnən dron hücumundan sonra İran razılıqda uranın znginləşdirilməsinə tətbiq olunan məhdudiyyətlərə əməl etməyəcəyini açıqladı. Daha sonra isə İran yanvarın 8-də Amerikanın İraqdakı iki bazasına balistik raket ataraq, oradakı əsgərlərə xəsarət yetirdi.
Zərif həmçinin İranın ABŞ-la münaqişəyə hazır olduğunu da vurğulasa da, təfərrüat verməyib.
"ABŞ İran xalqına böyük ziyan vurub. Onlar bir gün buna görə cavab verəcəklər. Bizim səbrimiz çoxdur", - deyə Zərif söyləyib.
Geri qayıt