Almaniya Ukraynaya səhra xəstəxanaları göndərir - SƏBƏB
22-01-2022, 20:01.
Mənbə: delfi.en
Almaniya Ukraynaya dəstək olaraq səhra xəstəxanası göndərmək qərarına gəlib.
CivilAzerbaijan.com bildirir ki, bunu yanvarın 22-də Almaniyanın müdafiə naziri Kristin Lambrext (Christine Lambrecht) açıqlayıb. “Welt am Sontag” qəzetinə müsahibəsində Kristin Lambrext xəstəxananın fevralda Ukraynaya çatacağını söyləyib.
Eyni zamanda, ukraynalı tibb kadrları üçün təlim bazası yaradılacaq. "Euronews" xəbər verir ki, bu cür yardım Almaniyaya 5 milyon avrodan çox vəsaitə başa gələcək.
Almaniyanın artıq Ukraynaya tənəffüs aparatları tədarük etdiyini bildirən nazir əlavə edib ki, Ukraynanın şərqindəki döyüşlərdə ağır yaralanan ukraynalı əsgərlər Almaniya xəstəxanalarında müalicə olunurlar.
"Biz Kiyevlə çiyin-çiyinə dayanırıq. İndi bizim vəzifəmiz hazırkı böhranın şiddətini azaltmaq üçün mümkün olan hər şeyi etməkdir".
Müdafiə naziri vurğulayıb ki, indiki vaxtda onun qiymətləndirməsində silah tədarükü Rusiya və Ukrayna arasında qarşıdurmanı yüngülləşdirilməsinə yardım etməyəcək.
Azadlıq Radiosunun məlumatına görə, Lambrext bildirib ki, bu şəkildə formalaşdırılan mövqe kansler, sosial demokrat Olaf Şolzun başçılıq etdiyi federal hökumətin bütün üzvlərinin tam dəstəyinə malikdir.
Geri qayıt