Bakıda “Müstəqil Dövlətlər Birliyi Beynəlxalq Neft-Qaz sammiti” keçirilir
17-03-2017, 11:19.
Bakıda “Future Approach” şirkətinin təşkilatçılığı ilə “Müstəqil Dövlətlər Birliyi Beynəlxalq Neft-Qaz sammiti” keçirilir.
civilazerbaijan.com Trend-ə istinadla xəbər verir ki, sammitdə neft və qaz sahəsindəki son tendensiyalar müzakirə olunacaq, Avropanın enerji təchizatında Azərbaycanda rolu, təbii qazın ixrac marşrutlarının diversifikasiyası, ələlxüsus da Azərbaycanın beynəlxalq boru kəməri lahiyələrində (TAP, TANAP) rolu kimi mövzular sammitin diqqət mərkəzində olacaq.
Tədbirdə 22 fərqli ölkədən 150-ə yaxın xarici şirkət və təşkilat nümayəndəsi iştirak edir. Bu şirkət və təşkilatlar arasında Azərbaycandan SOCAR, BP Azərbaycan olmaqla, Səudiyyə Ərəbistanının nəhəng neft şirkəti Saudi Aramco, İranın Milli Neft şirkəti, OAPEC, Neft və Qaz sektorunda dünyanın ən böyük 25 şirkətindən biri olan Gas Natural Fenosa, Tap layihəsinin pay sahiblərindən SNAM, Statoil, Halliburton, Avropa LPG Assosasiyası kimi mötəbər şirkət və təşkilat nümayəndələri iştirak edirlər.
Sammit 2 gün davam edəcək.
Geri qayıt