“InvestAZ”-ın dünya maliyyə bazarları ilə bağlı həftəlik analizi
12-06-2017, 10:05.
SİVİL.AZ həmin məlumatı təqdim edir:
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR
Avrozona iqtisadiyyatı üzrə gözləntilərin zəifləməsi, keçən həftə ərzində avroya olan təzyiqləri daha da artırsa da, maliyyə bazarlarında nikbinliyin yenidən artması fonunda EUR/USD məzənnəsinin bazar ertəsi 1.12$-ın üzərində ticarət edilməsinə səbəb olub. Avro/dollar valyuta cütlüyünün qiyməti üzrə təhlillərə görə, qiymət 1.12$-ın üzərində qalarsa, 1.1370$ və 1.1540$-a kimi də bahalaşa bilər.
Bununla yanaşı, bu həftənin çərşənbə günü Bakı vaxtı ilə saat 22:00-da açıqlanacaq Amerika Mərkəzi Bankının (FED) faiz qərarı da məzənnəyə güclü təsir edəcəyi üçün investorların diqqət mərkəzindədir.
GBP
GBP/USD valyuta cütlüyünün qiyməti keçən həftə Böyük Britaniya baş naziri, Tereza Meyin parlament seçkisində üstünlük göstərməsindən sonra ölkədə siyasi qeyri-müəyyənliklərin yenidən artması ilə 1.2635$-a kimi ucuzlaşmışdır. Lakin müxalifətin təzyiqinə baxmayaraq, yeni hökümətin qurulması və BREKSİT istiqamətində addımların atılmasında israrlı mövqe, funt/dollar məzənnəsinin də 1.2780$-a kimi bahalaşmasına səbəb olub və qiymət bu səviyyənin üzərində möhkəmlənərsə, 1.2895$-a kimi də bahalaşa bilər.
TRY
Türkiyə maliyyə bazarlarında türk lirəsinin qiyməti 3.54TL-nin üzərində ticarət edilməkdədir. Qiymətin texniki mənzərəsi üzrə təhlillər qiymətin sözügedən səviyyənin üzərində qaldıqca, 3.52TL və 3.50TL-ə kimi də bahalaşa biləcəyini proqnozlaşdırmağa əsas verir. Eyni zamanda, qiymətə güclü təsirləri baxımından önəmli sayılan, bu gün saat 11:00-da Türkiyənin birinci rüb üzrə iqtisadi inkişaf səviyyəsi və cümə axşamı saat 15:00-da Türkiyə Mərkəzi Bankının pul siyasəti ilə bağlı qərarı açıqlanacaqdır.
OIL
Enerji bazarlarında Avropanın Brent markalı neftinin bir barel qiyməti isə yenidən təzyiq altındadır. Belə ki, neft bazarlarında qiymətlərin bahalaşmasına dəstək üçün ölkələr arasında hasilatın azaldılması fonunda şübhələrin yaranması, qiymətin 47.30$-a kimi ucuzlaşmasına səbəb olub. Lakin təhlillərə görə, qiymət 46.51$-ın üzərində qaldıqca, ucuzlaşma müvəqqəti qiymətləndirilir və yenidən 50.43$ və 52.86$-a kimi dəyər qazana bilər.
Çərşənbə axşamı və çərşənbə günlər “OPEC” və Beynəlxalq Enerji Agentliyinin yayımlanacaq aylıq hesabatları da investorlar tərəfində böyük maraqla gözlənilir.
GOLD
Əlvan metallar bazarında qızıl qiymətinin dolların keçən həftə qismən bahalaşması ilə ucuzlaşmasının şahidi olduq. Lakin artıq 1265$-a (40.6 $/qram) kimi ucuzlaşan qızılın bir unsiya üzrə qiyməti gələcək günlər ərzində yenidən 1272$ (40.8 $/qram) və 1277$-a (41.0 $/qram) kimi bahalaşa bilər.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” QSC-nin
Analitika Departamenti
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
Risk bildirişi
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.
Geri qayıt