Könül Xasıyeva göz yaşlarını saxlaya bilmədi –
22-07-2017, 22:27.
Onurğa iflicindən əziyyət çəkən xalq artisti Könül Xasıyevaya həsr olunan xeyriyyə tədbiri keçirilib.
SİVİL.AZ-ın məlumatına görə, “Loqos” psixologiya və nitq mərkəzinin binasında baş tutan tədbirin aparıcılığını Kamran Quliyev edib.
Mərasimə qatılanlar arasında modelyerlər Fəxriyə Xələfova, Gülnarə Xəlilova, müğənnilər İzzət Bağırzadə, Əbdül Xalid və başqaları yer alıblar.
Çıxış edən K.Xasıyeva göz yaşlarını saxlaya bilməyib. O, “Oğlum Kazımın da səhhətində problem var. Övladım məndən 40 yaş balacadır. Ona nəvəm deyirəm” deyə, fikirlərini bölüşüb.
Qeyd edək ki, səhhəti ağır olan muğam ifaçısı hazırda müalicə alır. Onun müalicəsini davam etdirməsi üçün maddi köməyə ehtiyacı var. (Axşam.az)
Geri qayıt