Cavan qalmağın sirri açıldı:
30-06-2017, 23:30.
Hələ qədim dövrlərdə çinlilər müəyyən edib ki, ilk növbədə insanın ayaqları, sonra isə bütün orqanizm qocalmağa başlayır.
SİVİL.AZ xəbər verir ki, bu, ayaqlarda çoxlu sinirlər və refleks zonalarının cəmləşməsi ilə izah olunur. Səhiyyə məsələlərində çinli filosoflara tam etibar etmək olar, axı bütün müasir sağlamlıq sənayeləri və gözəllik mərkəzləri onların təlimləri əsasında yaradılıb. Biz bu yazıda oxucuları gəncliyi və bütün orqanizmin sağlamlığını qorumağa yaxşı kömək edən ayaq masajı ilə tanış edib.
Əgər səhərlər yuxudan duranda ayaqlarda ağrı hiss edirsinizsə, onda mütləq həkimə müraciət edin. Həmçinin mütəxəssislər donuz və ya qaramal ödündən hazırlanan jelç dərmanı ilə kompres etməyi məsləhət görür. Bunun üçün parçanı isladıb ayaqlara bağlayın, üstünü polietilenlə sarıyıb yun corab geyin və bütün gecəni belə yatın. Yalnız bunu səliqə ilə edin, çünki dərman iz qoyur. Eyni kompresi bir gün sonra yenidən təkrar edin.
Ayaqların sağlam olmasının ilkin şərti ayaqqabıların keyfiyyətli və rahat olmasıdır. Bunun üçün qadınların dikdaban ayaqqabılardan birdəfəlik vidalaşması lazım deyil. Sadəcə hər bir insan ayaqqabını dabanlarına görə seçməlidir. Ayaqqabının ayaqlara nəfəs almağa imkan verməsi və hərəkətlərini məhdudlaşdırmaması vacibdir.
Gündə heç olmasa 10 dəqiqə pəncələri masaj edin. Səhərlər ot üzərində ayaqlayın gəzin, amma belə bir imkan yoxdursa, onda otu döşəmə ilə əvəz etmək olar. Həmçinin daşla da masaj edə bilərsiniz. Yeriş isə yorğunluğu aradan qaldırır və müxtəlif xəstəliklərin yaranmasına mane olur. Ancaq birinci barmaq uclarında yeriməli, daha sonra daxili nahiyələrin üzərində və sonra dabanların üzərində yeriməyə vaxt ayırmaq çox vacibdir. Səhər məşqlərinə bunu əlavə etmək faydalıdır. Bununla siz əzələləri və ayaq sümüklərini möhkəmləndirmiş, qan dövranını yaxşılaşdırmış olacaqsınız, deməli daxili orqanlarının işinə də müsbət istiqamətdə təsir göstərmiş olacaqsınız.
Orqanizmi gəncləşdirən masaj
Sağlamlığın ən yaxşı köməkçisi masajdır. Onun müxtəlif metodları mövcuddur. Həkimlər bildirirlər ki, şəkildə gördüyünüz xüsusi nöqtəyə xüsusi diqqət yetirmək lazımdır.
1. Quru masaj
Hər ayaqda bu nöqtəni fasiləsiz 20 dəfə sadəcə ovun, amma elə edin ki, ağrı hiss olunmasın. Belə masajı mütəmadi olaraq səhər və axşam edin. O qan dövranını yaxşılaşdırır və ayaq əzələləri rahatlaşdırır.
2. Nəm masaj
Qaba temperaturu təxminən 38-40 dərəcə olan su tökün. Ayaqlarınız qızarana qədər onları suda saxlayın. Bundan sonra fasiləsiz olaraq 80 dəfə böyük barmaqlarınızı nöqtənin üstünə eyni vaxtda basın. Möcüzəli effekti artıq ilk seansdan sonra hiss edəcəksiniz.
3. Taxta çəkiclə dabanları döyün
Sərt səslənsə də, bu metod ayaqlara çox müsbət təsir göstərir. Taxta çəkici boş butulka, hətta rezin çəkiclə əvəz etmək olar. Yalnız bunu barmaqların aşağı hissəsinə yüngülcə vuraraq edin.
Bir müddət sonra siz bədəninizdə xoş istiliyin yavaş-yavaş dağıldığını, ən başlıcası isə rahatlaşdığınızı hiss edəcəksiniz. Bu, həm ayaq, həm də bütün bədəndə qan dövranını yaxşılaşdırmaq üçün ən effektli metodlardan biri seçilib. (Publika.az)
Geri qayıt