Lerikdə avtobus qəzaya uğrayıb: 8 nəfər ölüb, 8 yaralı var - ADLAR
4-09-2022, 21:16.
Azərbaycanın Lerik rayonunda (Bakıdan 292 kilometr cənub) avtobus qəzaya uğrayıb.
Civilazerbaijan.com bildirir ki, TƏBİB-in məlumatına görə, hadisə Lənkəran-Lerik yolunda Günəşli kəndi ərazisində baş verib.
Lənkəran-Lerik yolunun 45-ci kilometrliyində baş verən qəzada 8 nəfərin həlak olduğu, 8 nəfərin də yaralandığı bildirilir.
Ölənlərdən biri Göyşaban kənd sakini Xəlilova Dilarə İslam qızıdır.
Digər 7 nəfər isə Boladi kəndinin sakinləridir. Həmin şəxslərin adı aşağıdakılardır:
Həşimova Sərvər Əhməd qızı;
Axundova Saray İslam qızı;
Ağayeva Təcrübə Ağababa qızı;
Cəfərova Güldəstə Məmmədağa qızı;
Rzayeva Səmayə Ağababa qızı;
Rəhimova Nazxanım İsabala qızı;
Tahirova Zərnitac İslam qızı.
Xəstəxanadan verilən məlumata görə, hazırda 8 yaralıdan sürücü Səyyadov Səyyad Hacıbala oğlunun vəziyyəti stabilləşdiyindən paltaya köçürülüb.
Reanimasiyada olan 7 nəfərin vəziyyəti ağır olsa da stabilləşməyə doğru gedir.
İlkin məlumata görə, qəza mikroavtobusun əyləcinin işləməməsi səbəbindən baş verib.
Geri qayıt