Amnesty İnternational Əfqan Sadıqovun ekstradisiyasını dayandırmaq üçün Gürcüstana çağırış edib

Amnesty International, 3 avqustda saxlanılan və Gürcüstanda deportasiya həbsxanasına yerləşdirilən Azərbaycanlı jurnalist Əfqan Sadıqovun ekstradisiyasını dayandırmaq üçün Gürcüstan hakimiyyətlərinə çağırış edib.

Civilazerbaijan.com bildirir ki, Amnesty Internationalın Şərqi Avropa və Mərkəzi Asiya üzrə müavini Denis Krivosheev, Gürcüstan hökumətinin beynəlxalq öhdəliklərinə və geri göndərməmə prinsipinə hörmət etməli olduğunu və Sadıgovun Azərbaycana ekstradisiyasını dayandırmalı olduğunu bildirib.

Krivosheev, Sadıqovun ekstradisiyasının onu ciddi insan hüquqları pozuntuları, o cümlədən, işgəncə, qanunsuz həbs və ədalətsiz məhkəmə ilə üzləşdirə biləcəyini vurğulayıb. O, Sadıqovun işini Azərbaycanın müstəqil medianın boğulmasına yönəlmiş daha geniş bir tendensiyanın bir hissəsi olaraq təsvir edib və bu tendensiyanın COP 29 yaxınlaşdıqca gücləndiyini qeyd edib.

Amnesty International həmçinin Azərbaycan hakimiyyətlərini jurnalistlərə və hökumət tənqidçilərinə qarşı siyasi motivli hərəkətlərə son qoymağa və yalnız ifadə azadlığını istifadə etdikləri üçün həbs edilən şəxslərin dərhal azadlığa buraxılmasını tələb edib.

Azel.TV-nin baş redaktoru olan Sadıqov, 2023-cü ilin dekabrından bəri Gürcüstanda yaşayır. O, 2020-ci ilin may ayıında "şantaj" ittihamı ilə yeddi il müddətinə həbs cəzasına məhkum edilib. Amnesty International və digər müşahidəçilər bu ittihamların siyasi motivli olduğunu və ədalətli məhkəmə təminatlarından məhrum olduğunu bəyan ediblər.

2023-cü ilin mayında əfv olunduqdan sonra belə, Sadigov Azərbaycan hakimiyyətlərinin təhdidləri ilə üzləşməyə davam edib. Bu səbəbdən də o, ölkəni tərk edib. Son dövrlərdə Gürcüstan hakimiyyəti ona Türkiyəyə səfər etməyə qadağa qoyub və onun hərəkəti trayektoriyasını yalnız Azərbaycan ilə məhdudlaşdırı. Azərbaycanda isə onun əleyhinə oxşar ittihamlarla yeni cinayət işi açılıb. Sadıgovun ailəsi bu ittihamların onun tənqidi jurnalistikası üçün Azərbaycan hökuməti tərəfindən qisas məqsədilə uydurulduğunu iddia edir.

Amnesty International, müstəqil jurnalistlərin, fəalların və insan hüquqları müdafiəçilərinin COP 29 yaxınlaşdıqca, saxta ittihamlarla hədəf alındığını vurğulayıb. Sadıqovun Gürcüstanda saxlanılması, Gürcüstan məhkəməsinin onun ekstradisiyasına dair son qərarının elanını gözləyərkən onun nəzarət altına alınması ilə yekunlaşıb.

civilazerbaijan.com