Fransanın Azərbaycandakı səfiri Ann Buayon İlham Əliyevə cavab verib

Ötən gün Azərbaycan prezidenti İlham Əliyev Rusiyanın RİA agentliyinə müsahibəsində ölkəni "uğursuz dövlətə" çevirən prezident Makronun başçılığı ilə Fransa hökumətini tənqid edib.

Civilazerbaijan.com bildirir ki, İlham Əliyev deyib:

"Hazırda Makron rejimi mahiyyətcə Fransanı uğursuz dövlətə çevirir".

Bu gün Fransanın Azərbaycandakı səfiri xanım Ann Buayon İlham Əliyevin sözlərinə istehza edərək Azərbaycan vətəndaşlarının başqa cür düşündüklərinə eyham vurub.

" Fransa səfirliyinə göndərilən viza sorğuları bu il yenidən artmaqdadır. Uğursuz dövlətlərin sirli cazibəsi haradan gəlir?”, - o, X sosial şəbəkəsindəki hesabında yazıb, Turan İnformasiya Agentliyinin məlumatında qeyd olunur.

civilazerbaijan.com