"Düşündüyünüz qədər həzz verici deyildi" - Salma Hayek

Məşhur aktrisa Salma Hayek prodüser Harvi Vaynşteynla bağlı açıqlama yayıb.

SİVİL.AZ milli.az-a istinadla xəbər verir ki, o, məşhur prodüsserin ona təcavüz və onu təhqir etdiyini iddia edib.

New York Times-da yazılanlara görə, Vaynşteyn onu öldürməklə hədələyib: "Səni öldürəcəm, düşünmə ki, bacarmaram".

Aktrisa meksikalı rəssamın həyatından bəhs edən "Frida" filminin çəkilişləri zamanı yaşadığı çətinliklərdən danışıb. O, dəfələrlə prodüserin əxlaqsız təkliflərinə yox dediyini qeyd edib.

"Onunla birlikdə duş qəbul etməyə, məni duş qəbul edərkən izləməyə, məni masaj etməsinə, dostlarının məni masaj etməsinə, oral seks təklifinə, başqa qadınla birlikdə soyunma təklifinə yox dedim".

Aktrisa bildirib ki, prodüser ona başqa bir qadınla çılpaq səhnələrə çəkilməyəcəyi təqdirdə çəkilişləri dayandıracağını söyləyib.

"Xeyli sakitləşdirici dərman qəbul etdim, göz yaşlarım dayansa da, dərmanlara görə qusdum. Filmdə belə səhnələrə gərək yox idi. Sizin düşündüyünüz qədər həzz verici deyildi, lakin filmin bitməsi üçün bu səhnəyə çəkilməyim vacib idi".

Vaynşteynin köməkçisi onunla bağlı səslənən iddiaları təkzib edib. O bildirib ki, deyilənlər uydurmadır.

Qeyd edək ki, bu Vaynşteynlə bağlı səslənən ilk iddia deyil.

civilazerbaijan.com