Azərbaycanda Qurban bayramı qeyd olunur

Nazirlər Kabinetinin “2019-cu ildə Novruz, Ramazan, Qurban bayramları haqqında” qərarına əsasən bu il avqustun 12-si və 13-də Azərbaycanda Qurban bayramı qeyd edilir.

Bayram namazı avqustun 12-si saat 08:00-da Bakının Əjdərbəy məscidində, saat 09:00-da isə Təzəpir məscidində və ölkənin digər məscidlərində qılınacaq.

Xatırladaq ki, Milli Məclisin qəbul etdiyi 1992-ci il 27 oktyabr tarixli "Azərbaycan Respublikasının bayramları haqqında" Qanununa əsasən Qurban bayramı Azərbaycanda da dövlət səviyyəsində bayram edilir.

Bu il Qurban bayramı ilə əlaqədar olaraq Azərbaycanda 12-13 avqust tarixləri qeyri-iş günüdür.

civilazerbaijan.com