Azərbaycan-Ukrayna sənədləri imzalanıb

Azərbaycan və Ukrayna prezidentləri İlham Əliyev və Vladimir Zelenski arasında danışıqlar başa çatdıqdan sonra sənədlərin imzalanması mərasimi keçirilib.

CİVİLAZERBAİJAN.COM Turan İnformasiya Agentliyinə istinadla bildirir ki, xüsusən, aşağıdakı sənədlər imzalanıb:

Odessa şəhəri (Ukrayna) və Gəncə şəhəri (Azərbaycan Respublikası) arasında Niyyət Protokolu;

Truskavets şəhəri (Ukrayna) və Quba şəhəri (Azərbaycan Respublikası) arasında ticari-iqtisadi, elmi-texniki və mədəni əməkdaşlıq haqqında müqavilə;

Ukrayna Dövlət Tənzimləmə Xidməti və Azərbaycan Respublikasının İqtisadiyyat Nazirliyi arasında biznesin aparılması şəraitinin tənzimlənməsi sahəsində əməkdaşlıq haqqında saziş;

Ukraynanın Dövlət Xüsusi Rabitə və Məlumatın Mühafizəsi Xidməti Administrasiyası və Azərbaycan Respublikasının Xüsusi Dövlət Mühafizə Xidməti arasında Bakı-Kiyev dövlətlərarası hökumət rabitə xəttinin təşkil edilməsi haqqında Saziş.

civilazerbaijan.com