Bülletenlər məntəqədən kənara çıxarılıb

13 saylı Xəzər-Pirallahı seçki dairəsinin 6 saylı məntəqəsində seçki bülletenlərinin məntəqədən kənara çıxarıldığı bildirilir.

CivilAzerbaijan.com xəbər verir ki, bu barədə "Azadlıq Radiosu"na məlumat verən müşahidəçilər bildiriblər ki, bülletenlər seçki məntəqəsindən kənara Mərdəkan ərazisində yerləşən Mənzil Kommunal İstismar Sahəsinin müdiri tərəfindən çıxarıb. "O şəxs məntəqədən kənarda MKİS-in işçilərinə səs verdirir".

Məsələ ilə bağlı 13 saylı Xəzər-Pirallahı dairə seçki komissiyasından Turan-a bildirilib ki, məsələdən xəbərləri yoxdur. "Bu məsələ ilə bağlı xəbərimiz yoxdur, araşdırıb məlumat verəcəyik".

Mənzil Kommunal İstismar Sahəsindən məsələ ilə bağlı münasibət öyrənmək mümkün olmayıb.

civilazerbaijan.com