AXCP-nin daha bir üzvü həbs edilib

Azərbaycan Xalq Cəbhəsi Partiyasının (AXCP) Gəncə şəhər şöbəsinin üzvü Firdovsi Əmrahovun bu gün, iyunun 25-də səhər saatlarında saxlandığı bildirilir

CivilAzerbaijan.com bildirir ki, bu barədə AXCP-dən məlumat verilib. Məlumata görə, F.Əmrahov Gəncədən Bakıya aparılıb.

Partiyadan habelə bildirilib ki, F.Əmrahov sosial şəbəkələrdəki tənqidi fəaliyyətinə görə saxlanıb: "Saxlandıqdan sonra onun Facebook hesabı silinib".

Bu deyilənlərə, hələlik, Daxili İşlər Nazirliyindən münasibət öyrənmək mümkün olmayıb.

AXCP-nin hazırda 10-a yaxın üzvü həbsdədir. Onlar müxtəlif maddələr üzrə ittiham edilsələr də, partiya həmin şəxslərin siyasi sifarişlə şərləndiyini bəyan edib.

Azərbaycan rəsmiləri isə ölkədə siyasi həbslərin olmadığını vurğulayırlar.

civilazerbaijan.com