Cavid Qurbanov nazir gətirilir?

Xəbərin çap versiyası
Tarix: 24-08-2020, 00:01
Cavid Qurbanov nazir gətirilir?


Ramin Quluzadə yola salınır, Cavid Qurbanov Nəqliyyat, Rabitə və Yüksək Texnologiyalar naziri gətirilir...

Yaxın zamanlarda “Azərbaycan Dəmir Yolları” QSC Nəqliyyat, Rabitə və Yüksək Texnologiyalar Nazirliyinə birləşdirilə bilər.

Bu barədə CivilAzerbaijan.com-a “Azərbaycan Dəmir Yolları” QSC-dəki mənbə məlumat verib.

O bildirib ki, yaxın zamanlarda Azərbaycan Dəmir Yolları” QSC nazirliyə birləşdiriləcək və böyük ehtimalla Cavid Qurbanov nazir təyin ediləcək.

Onun sözlərinə görə, Cavid Qurbanov qohumluq əlaqələrindən istifadə edib nazir postuna gəlmək üçün çalışır və hətta Ramin Quluzadəyə qarşı ciddi kampaniya aparır.

Bildirilir ki, bir müddət öncə nazir Ramin Quluzadənin həyat yoldaşının nazirlikdə dava salması ilə bağlı xəbəri də Qurbanova yaxın şəxslər mediaya ötürüblər və ölkə gündəminə "bomba" kimi düşən xəbər isə nazirin nüfuzunu sarsıdıb.

Kifayət qədər ciddi məlumatla bağlı CivilAzerbaijan.com “Azərbaycan Dəmir Yolları” QSC-nin rəhbəri Cavid Qurbanovla əlaqə saxlamağa çalışsa da, bu cəhdlər baş tutmayıb.

“Azərbaycan Dəmir Yolları” QSC-nin aparatından isə bu barədə rəsmi açıqlama verə bilməyəcəklərini deyiblər.

civilazerbaijan.com



Diqqətinizi çəkə biləcək digər xəbərlər



Facebook səhifəmiz