Azərbaycan XİN-dən Rusiya helikopterinin vurulması ilə bağlı BƏYANAT

Xəbərin çap versiyası
Tarix: 9-11-2020, 22:54
Azərbaycan XİN-dən Rusiya helikopterinin vurulması ilə bağlı


Azərbaycan Xarici İşlər Nazirliyi (XİN) Rusiya helikopterinin vurulması ilə bağlı bəyanat yayıb.

CivilAzerbaijan.com
-un məlumatına görə, Azərbaycan XİN bildirir ki, Azərbaycan Müdafiə Nazirliyinin Rusiya Müdafiə Nazirliyindən aldığı məlumata əsasən, noyabrın 9-u, saat 18:30-da Ermənistan-Azərbaycan sərhədinin Naxçıvan hissəsində Rusiyaya məxsus Mi-24 hərbi helikopteri vurulub.

Nazirlik bununla bağlı aşağıdakıları qeyd edib:

“- Helikopter Ermənistan-Azərbaycan Dağlıq Qarabağ münaqişəsi zonasında aktiv hərbi döyüşlərin davam etdiyi bir vaxtda Ermənistan-Azərbaycan dövlət sərhədinin tam yaxınlığında uçuşu həyata keçirib.

-Uçuş günün qaranlıq vaxtında, aşağı hündürlükdə, hava müdafiəsi sisteminin radar müşahidəsindən kənar zonada həyata keçirilib”.

Habelə bildirilir ki, bundan öncə həmin ərazidə Rusiya Federasiyası Hərbi Hava Qüvvələrinin helikopterləri müşahidə edilməyib.

“Qeyd olunan amilləri və bölgədəki gərgin vəziyyəti, habelə erməni tərəfinin mümkün təxribatları ilə əlaqədar yüksək döyüş hazırlığını nəzərə alaraq, növbətçi hərbi bölüm tərəfindən atəşin açılması qərarı verilib.Təsadüfi xarakter daşıyan və Rusiyaya qarşı yönəlməyən bu faciəvi hadisə ilə bağlı Azərbaycan tərəfi Rusiya tərəfinə üzrxahlığını bildirir”.

AzadlıqRadiosu-nun məlumatına görə, Azərbaycan həlak olan ekipaj üzvlərinin ailələrinə dərin başsağlığı verir və xəsarət alanların tezliklə sağalmalarını diləyir.

“Azərbaycan tərəfi müvafiq kompensasiyanın ödənilməsinə hazır olduğunu bildirir” - məlumatda deyilir.

civilazerbaijan.com



Diqqətinizi çəkə biləcək digər xəbərlər
{sape_links}{sape_article}



Facebook səhifəmiz