Azərbaycan Avropa İttifaqı ilə assosiativ sazişdən imtina edib - İLHAM ƏLİYEV

Xəbərin çap versiyası
Tarix: 6-03-2021, 16:14
Azərbaycan Avropa İttifaqı ilə assosiativ sazişdən imtina edib -


"Azərbaycan Avropa İttifaqı ilə "bərabərhüquqlu saziş" imzalamağa hazırlaşır və sənəd 90 faiz hazırdır".

CivilAzerbaijan.com
bildirir ki, bu barədə prezident İlham Əliyev martın 5-də hakim Yeni Azərbaycan Partiyasının qurultayında çıxışı zamanı bəyan edib.

“Biz Avropa İttifaqı ilə sıx əlaqələr qurmuşuq. Avropa İttifaqına üzv olan 9 ölkə ilə strateji tərəfdaşlıq haqqında sənədlər imzalanıb. Hazırda heç kim haqda danışmaq istəmirəm, amma bunu deməliyəm. "Şərq Tərəfdaşlığı" ölkələrindən hansı Avropa İttifaqına üzv 9 ölkə ilə strateji tərəfdaşlıq haqqında sənəd imzalayıb? Heç biri. Onlar assosiativ saziş imzalayıblar. Mən bu sazişi görmüşəm.

Bu, faktiki olaraq saziş deyil, təlimatdır, sadəcə, təlimat. Bu ölkələrə təlimatlar verilir: bunu belə etmək lazımdır, ya başqa cür. Mən isə bundan imtina etdim. Dedim ki, bizə belə bir təlimat lazım deyil. Biz özümüz bilirik ki, nə etmək lazımdır", - İ.Əliyev deyib.

Onun sözlərinə görə, Azərbaycan Aİ ilə münasibətlərini bərabərhüquqlu şərtlərlə qurur.

"Bu gün biz Avropa İttifaqı ilə bərabərhüquqlu saziş üzərində işləyirik, bu saziş artıq 90 faiz razılaşdırılıb. Əlbəttə ki, pandemiya və müharibə bu işlərə bir az müdaxilə etdi. Yaxın gələcəkdə bu danışıqlar bərpa ediləcək. Ona görə də biz bu sahədə də uğurlar əldə etmişik, çünki bizim başqa ölkələrlə xarici siyasətimiz çoxşaxəlidir", - prezident bildirib, Turan Agentliyinin məlumatında qeyd olunur.

civilazerbaijan.com



Diqqətinizi çəkə biləcək digər xəbərlər



Facebook səhifəmiz