Bakı Şəhər İcra Hakimiyyəti büdcəni necə talayır

Xəbərin çap versiyası
Tarix: 21-04-2021, 12:27
Bakı Şəhər İcra Hakimiyyəti büdcəni necə talayır


Azərbaycanda fəaliyyət göstərən dövlətdən maliyyələşən qurumların sifarişçi olduqları satınalmalarda maxinasiya hallarının olması barədə zaman-zaman mətbuatda yazılıb. Hətta ölkədə son illərdə aparılan hüquqi islahatlar, qanunların modernləşdirilməsi və təkmilləşdirilməsi istiqamətində atılan kompleks addımlar da bu sahədə olan acınacaqlı vəziyyəti aradan qaldıra bilmir.

Ölkədə keçirdiyi satınalmalara görə mediada və rəsmi hesabatlarda adı tez-tez çəkilən qurumlardan biri də Bakı Şəhər İcra Hakimiyyətidir. Bakı Şəhər İcra Hakimiyyətinin tabeliyində olan idarə və təşkilatların birbaşa sifarişçi olduqları satınalmaların əksəriyyətində şübhəli məqamlar nəzərə çarpır.

Təsadüfi deyil ki, aprel ayının 15-də Hesablama Palatası Bakı Şəhər İcra Hakimiyyətinin tabeliyində fəaliyyət göstərən Bakı Şəhər Məktəbəqədər Təhsil Müəssisələri və Uşaq Evləri İdarəsinə dövlət büdcəsindən ayrılan vəsaitlərin icrasına dair auditin nəticəsini açıqlayarkən 01.01.2019-cu il tarixindən 01.01.2020-ci il tarixinədək dövrü əhatə etməklə 2 milyon manata qədər büdcədən yayınma halları aşkar etdi.

Lakin Hesablama Palatasının Bakı Şəhər Məktəbəqədər Təhsil Müəssisələri və Uşaq Evləri İdarəsində apardığı audit nədənsə göstərilən tarixlərdə İdarənin "təmir işləri" üzrə xərclədiyi vəsaitlərinə geniş yer verilməyib.

"Remont" adı ilə talanan büdcə

Bakı Şəhər İcra Hakimiyyəti büdcəni necə talayır


Qlobal.az xəbər verir ki, Bakı Şəhər İcra Hakimiyyətinin Məktəbəqədər Təhsil Müəssisələri və Uşaq Evləri İdarəsi şübhəli dövlət satınalmalarına ən çox "imza" atan müəssisələrdən biridir.

Qeyd edək ki, Məktəbəqədər Təhsil Müəssisələri və Uşaq Evləri İdarəsi təmir, tikinti işləri yanaşı, ən çox həyata keçirdiyi satınalmalar sırasında yer alan predmetlərdən biri də texniki avadanlıqların təmiri işləri dayanır. Məktəbəqədər Təhsil Müəssisələri və Uşaq Evləri İdarəsi bu sahə üzrə 2018-ci ildən indiyədək "Gəmiqaya-S" Məhdud Məsuliyyətli Cəmiyyəti (MMC) ilə indiyədək beş satınalma həyata keçirib. İdarə ilə MMC arasında texniki avadanlıqların təmiri üzrə bağlanan satınalma müqaviləsinin ümumi dəyəri 471.893 manat təşkil edib.

471 min manat nəyə xərclənib?

Bakı Şəhər İcra Hakimiyyəti büdcəni necə talayır


İdarənin sifarişçi olduğu satınalmalarda bu illər ərzində niyə yalnız "Gəmiqaya-S" MMC-nin qalib elan edildiyi sualını kənara qoyaraq əsas diqqəti görülən işlərin (əslində kağız üzərində görülən) mahiyyətinə yönəldək.

İdarənin yuxarıda qeyd edilən lotlar üzrə sifarişçi olduğu satınalmaların tək birində görüləcək işlərin detalları barədə məlumatlar yer alır. Belə ki, İdarə ilə MMC arasında ötən il bağlanan 210.464 manatlıq tender müqaviləsində 15 ədəd qızartma şkafının, 6 ədəd ətçəkən maşının, 9 ədəd paltaryuyan maşının, 5 ədəd kondisionerin, 20 ədəd soyuducunun, 152 ədəd elektrik peçinin və 25 ədəd elektrik peçi şüşələrinin (?) təmiri nəzərdə tutulub.

Müqavilədə təmirinə ehtiyac duyulan avadanlıqların təmirinin bazarda olan bu günkü real qiymətlərdən dəfələrlə baha göstərildiyi məlumdur. Halbuki, İdarə bu təmir işlərini digər dövlət maliyyəli qurumlar kimi birbaşa fiziki şəxslərlə və yaxud konkret sahə üzrə ixtisaslaşmış şirkətlərlə bağlaya bilərdi. Burada şübhəli məqamları artıran səbəblərdən biri də sözügedən lot üzrə sifariş olunan tenderlərin hamısının bu illər ərzində eyni şirkət tərəfindən udulmasıdır.

Bakı Şəhər İcra Hakimiyyəti büdcəni necə talayır


"Gəmiqaya-S" MMC-nin fəaliyyətinin hansı yöndə olması, sahib olduğu lisenziyalar barədə heç bir məlumat yoxdur. 20 manat nizamnamə kapitalı olan şirkətin qanuni təmsilçisi Hüseynova Nigardır. (Qlobal.az)

civilazerbaijan.com



Diqqətinizi çəkə biləcək digər xəbərlər



Facebook səhifəmiz