Qorxmaz Hüseynov “Azərsu”nun sədri vəzifəsindən azad edildi
Tarix: 4-05-2021, 19:53
“Azərsu” Açıq Səhmdar Cəmiyyətinin sədri Qorxmaz Hüseynov vəzifəsindən azad edilib.
CivilAzerbaijan.com bildirir ki, bu barədə dövlət başçısı İlham Əliyev mayın 4-də sərəncam imzalayıb.
Qorxmaz Hüseynov 2011-ci ildən “Azərsu” Açıq Səhmdar Cəmiyyətinin sədri vəzifəsində çalışır.
O, 1965-ci ildə Cəbrayıl rayonunda doğulub, 1989-cu ildə Azərbaycan Neft və Kimya İnstitutunu, 2004-cü ildə isə Azərbaycan Respublikasının Prezidenti yanında Dövlət İdarəçilik Akademiyasını bitirib.
Q.Hüseynov 1995-1997-ci illərdə "Qum adası" NQÇİ-də Əməyin təşkili və əməkhaqqı şöbəsinin rəisi, 1997-2003-cü illərdə "Xəzərdənizneftqaztikinti" trestinin müdir müavini, 2003-2006-cı illərdə trestin müdiri, 2006-2007-ci illərdə Azərbaycan Respublikası Dövlət Neft Şirkətinin Sosial İnkişaf İdarəsinin rəisi vəzifələrində çalışıb.
civilazerbaijan.com
Diqqətinizi çəkə biləcək digər xəbərlər
