Milli Depozit Mərkəzinin "tender depoziti": Satınalmada Eldar Mahmudov izi

Xəbərin çap versiyası
Tarix: 21-10-2021, 15:00


Milli Depozit Mərkəzi 2021-ci ilin iyul ayının 29-da "Milli Depozit Mərkəzi üçün kompüter, server, şəbəkə avadanlıqları, proqram təminatları və lisenziyaların satın alınması" lotu üzrə tenderə yekun vurub.

Tenderin məbləği 414. 478 manat, qalibi isə "B2B GROUP" Məhdud Məsuliyyətli Cəmiyyəti olub.

"B2B GROUP" MMC 2019-cu ilin aprel ayının 19-da təsis edilib.

On manat nizamnamə kapitalı olan şirkətin hüquqi ünvanı Binəqədi rayonu, Cəfər Xəndan küçəsi ev 26, mənzil 89 ünvanıdır.

Şirkətin qanuni təmsilçisi Sumqayıt şəhər sakini Bəşirov Ramal Bəşir oğludur.

Arqument.az-ın araşdırması zamanı məlum olub ki, 2019-cu ildə yaradılan "B2B GROUP" MMC-nin himayədarı böyük əlaqə və informasiyalara malik şəxsdir. Bu şirkətin əsl sahibinin isə 2015-ci ildə prezident İlham Əliyev tərəfindən ləşğv edilən milli təhlükəsizlik nazirinin birinci müavini general Elçin Əliyev olduğu iddia edilir.


Eldar Mahmudov

İddialara görə, "B2B GROUP" MMC-nin yüz min manatlarla məbləği olan dövlət satınalmalarında qalib elan edilməsinin səbəbi Eldar Mahmudovun ən yaxın kadrlarından hesab edilən Elçin Əliyevin güclü əlaqələri olmasıdır.

Milli Depozit Mərkəzinin sözügedən tenderində də məhz bu səbəbdən "B2B GROUP" MMC-nin qalib elan edildiyi deyilir.


Adışirin Qasımov

"Arqument.az" mövzu ilə bağlı avqustun 4-də ( 2021-ci il) Milli Depozit Mərkəzinin sədri Adışirin Qasımova sorğu göndərib, lakin 3 ay vaxt keçməsinə baxmayaraq, sorğuya cavab verilməyib.

civilazerbaijan.com



Diqqətinizi çəkə biləcək digər xəbərlər
{sape_links}{sape_article}



Facebook səhifəmiz