Putin və Paşinyan Azərbaycan-Ermənistan sərhədlərinin delimitasiyasını müzakirə ediblər

Ermənistan tərəfinin təşəbbüsü ilə Vladimir Putinin Ermənistanın baş naziri Nikol Paşinyanla telefon danışığı olub.

CivilAzerbaijan.com bildirir ki, bu barədə şənbə günü Kremlin mətbuat xidməti məlumat verib.

"Ermənistan, Azərbaycan və Rusiya liderlərinin 9 noyabr 2020-ci il, 11 yanvar və 26 noyabr 2021-ci il tarixli üçtərəfli bəyanatlarında təsbit edilmiş razılaşmaların reallaşdırılmasının praktiki aspektləri, o cümlədən Ermənistan-Azərbaycan sərhədinin delimitasiyası və demarkasiyası ilə bağlı məsələlər nəzərdən keçirilib.

ATƏT-in Minsk Qrupu həmsədrlərinin xəttilə işin davam etdirilməsinin məqsədəuyğunluğu qeyd edilib", - məlumatda deyilir.

civilazerbaijan.com