Tramp Putinin Zelenskiyə münasibətindən danışıb

Rusiya prezidenti Vladimir Putinin ukraynalı həmkarı Volodimir Zelenskidən xoşu gəlmir.

Civilazerbaijan.com bildirir ki, Amerika lideri Donald Tramp Ağ evdə fərmanlar imzaladıqdan sonra jurnalistin sualını belə cavablandırıb.

"Putin niyə Zelenski ilə görüşmək istəmir?", - jurnalist soruşub.

"O onun xoşuna gəlmir. Onu sevmir", - Tramp cavab verib.

Tramp avqustun 19-da Rusiya və Ukrayna tərəflərinin Putin və Zelenski arasında görüşə razılaşdıqlarını və sammitə hazırlıqlara başlandığını açıqlayıb. Kreml Rusiya prezidenti ilə Zelenskinin görüşünə dair razılaşmanı təsdiqləməyib.

Qeyd edək ki, ABŞ prezidenti Donald Tramp yaxın iki həftə ərzində Rusiya və Ukrayna ilə bağlı mövqeyini müəyyənləşdirəcəyini bildirib. "Düşünürəm ki, iki həftədən sonra Rusiyanın və, düzünü desəm, Ukraynanın münasibətini anlayacağam.... Düşünürəm ki, nə edəcəyimizlə bağlı qərar verəcəyəm. Və bu, çox vacib bir qərar olacaq. İrimiqyaslı sanksiyalar da ola bilər, böyük tariflər də və ya hər ikisi. Ya da heç nə etməyəcəyəm və "bu, sizin müharibənizdir" deyəcəyəm", - Tramp Ağ evdə FIFA prezidenti Canni İnfantino ilə görüş zamanı jurnalistlərin suallarını cavablandırarkən deyib.

Onun sözlərinə görə, Putin və Zelenskinin sammitində iştirak edə bilərdi, lakin "çoxları bu görüşdən heç nə çıxmayacağını düşünür".

"Politico" yazır ki, Tramp danışıqlarda Moskvaya təzyiq göstərmək niyyətində deyil, hesab edir ki, Qərbin yardımından asılı olan Kiyev güzəştə getməli və sövdələşməyə razı olmalıdır, AzadlıqRadiosunun məlumatında qeyd olunur.

civilazerbaijan.com