Bu sahədə maaşlar artıb

SİVİL.AZ bildirir ki, bu barədə Döpvlət Statistika Komitəsindən məlumat verilib.

2017-ci il iyunun 1-i vəziyyətinə ölkə iqtisadiyyatında muzdla çalışan işçilərin sayı 1525,2 min nəfər olub, onlardan 886,4 min nəfəri iqtisadiyyatın dövlət sektorunda,638,8 min nəfəri isə qeyri-dövlət sektorunda fəaliyyət göstərib. Bu barədə Sputnik Azərbaycan-a Döpvlət Statistika Komitəsindən məlumat verilib.

Məlumata görə, muzdla işləyənlərin 21,9 faizi təhsil, 19,0 faizi ticarət; nəqliyyat vasitələrinin təmiri, 12,6 faizi sənaye, 8,6 faizi əhaliyə səhiyyə və sosial xidmətlərin göstərilməsi, 7,1 faizi dövlət idarəetməsi və müdafiə; sosial təminat, 7,1 faizi tikinti, 4,7 faizi nəqliyyat və anbar təsərrüfatı, 3,5 faizi peşə, elmi və texniki fəaliyyət, 3,1 faizi kənd təsərrüfatı, meşə təsərrüfatı və balıqçılıq, 1,6 faizi maliyyə və sığorta fəaliyyəti, 10,8 faizi isə iqtisadiyyatın digər sahələrində məşğul olmuşlar. 2017-ci ilin yanvar-may aylarında ölkə iqtisadiyyatında muzdla çalışan işçilərin orta aylıq nominal əmək haqqı əvvəlki ilin müvafiq dövrünə nisbətən 6,3 faiz artaraq 520,1 manat olmub. İqtisadiyyatın mədənçıxarma sənayesi, maliyyə və sığorta fəaliyyəti, peşə, elmi və texniki fəaliyyət, informasiya və rabitə, eləcə də tikinti sahələrində orta aylıq nominal əmək haqqı daha yüksək olub. (Sputnik Azərbaycan)

civilazerbaijan.com