Ən sağlam insanlar BU FƏSİLDƏ DOĞULUR

Kembric Universiteti (Böyük Britaniya) alimləri 450 min insanın sağlamlıq haqqında məlumatını təhlil etdikdən sonra belə nəticəyə gəliblər ki, yayda doğulan insanlar digər fəsillərdə doğulan insanlarla müqayisədə daha sağlam olur. Yayda doğulan uşaqların çəkisi daha çox olur və böyüyəndə onların boyu qışda doğulanlarla müqayisədə daha hündür olur.

SİVİL.AZ bildirir ki, alimlər bunu gün şüalarının ananın orqanizminə olan təsiri ilə əlaqələndirir.

Həmçinin mütəxəssislər aşkar ediblər ki, yayda doğulan qızlarda menstruasiyalar daha gec başlayırdı. Bu müsbət göstərici sayılır. Menstruasiyaların tez başlanması qadınlarda bir sıra xəstəliklərin, o cümlədən bəzi xərçəng növlərinin riskini artırır.

Həmçinin yayda doğulan insanlar daha pozitiv olur ki, bu da onların sağlamlığına müsbət təsir edir. (saglamolun.az)

civilazerbaijan.com