İŞİD qurbanlarının kütləvi məzarlığı aşkarlandı

İraqın Mosul şəhərində 60 nəfərin cəsədinin olduğu kütləvi məzarlıq aşkarlanıb.

SİVİL.AZ-ın məlumatına görə, bu barədə “Əl-Sumariyə” telekanalı xəbər verib.

Kütləvi məzarlıq Mosulun Əş-Şifa bölgəsində aşkarlanıb. İraq rəsmiləri tapılan şəxslərin İŞİD terror təşkilatının qurbanları olduğunu bildirib. Məzarlıqdan güllələnmiş yaşlı insanlar və qadınlar tapılıb.

Qeyd edək ki, İraqın Mosul şəhərinin İŞİD-dən azad edilməsi əməliyyatı keçən ilin oktyabr ayında başlayıb. Bundan əvvəl şəhərin şərq hissəsi terrorçulardan azad edilib. Mosulun qərbinin azad edilməsi üçün əməliyyat bu ilin fevralından davam edir. (APA)

civilazerbaijan.com