ABŞ Venesuelaya qarşı yeni sanksiyalar tətbiq edib

ABŞ prezidenti Donald Tramp Venesuelaya qarşı yeni sanksiyalar tətbiq edib.

SİVİL.AZ-ın verdiyi xəbərə görə, bunu Ağ Evin mətbuat katibi Sara Sanders bəyan edib.

Onun sözlərinə görə, cəza tədbirləri maliyyə sahəsini əhatə edib. S.Sanders həmçinin rəsmi Vaşinqtonun Venesuela prezidenti Nikolas Maduro tərəfindən çağırılan və parlamentin səlahiyyətlərini öz üzərinə götürən Konstitusiya Assambleyasını tanımadığını bildirib. Venesuelada prezident Nikolas Maduronun hökuməti ilə müxalifətin nəzarət etdiyi parlament arasında münaqişə davam edir. Dövlət başçısının imzaladığı fərmana əsasən, yeni yaradılan Konstitusiya Assambleyasına qanunvericiliyə dəyişikliklər etmək səlahiyyəti verilib.

Venesuela müxalifəti Konstitusiya Assambleyasının çağırılmasını dövlət çevrilişi kimi qiymətləndirərək ölkədə növbədənkənar prezident seçkilərinin keçirilməsini tələb edir. (APA)

civilazerbaijan.com