Dünyanın ən zəngin adamları - REYTİNQ

Nüfuzlu "Forbes" jurnalı dünyanın ən zəngin adamlarının yeni reytinqini açıqlayıb.

SİVİL.AZ APA-ya istinadən xəbər verir ki, ABŞ-ın "Amazon" şirkətinin sahibi Ceff Bezos yenidən dünyanın ən zəngin adamı olub. Hazırda С.Bezosun sərvəti 93,1 milyard dollar təşkil edir.

İkinci yerdə "Microsoft" şirkətinin rəhbəri Bill Qeyts (89,9 milyard dollar), daha bir amerikalı, sərmayəçi Uorren Baffet isə 80,6 mlrd. dollarla reytinqin üçüncü pilləsində qərarlaşıb.

Dünyanın ən zəngin dördüncü adamı "Zara" brendinin sahibi Amansio Orteqa (77,9 mlrd. dollar) hesab edilib. Beşliyi 73,8 mlrd. dollar sərvətə malik olan "Facebook"un yaradıcısı Mark Tsukerberq tamamlayır.

civilazerbaijan.com