Bu Avropa ölkəsində Ebola virusu tapıldı

Ebola virusu bu dəfə Avropada peyda olub.

CİVİL AZERBAİJAN xəbər verir ki, Belçikanın Vallon bölgəsindəki Notre-Dame klinikasında bir xəstədə Ebola virusu aşkarlanıb. Yüksək hərarətlə xəstəxanaya gətirilən və hələlik kimliyi açıqlanmayan şəxs daha sonra evə göndərilib.

Ancaq bir neçə saatdan sonra o yenidən xəstəxanaya gətirilib. Aparılan yoxlamalar zamanı xəstədə Ebola virusu aşkar edilib.

Dərhal xəstə ilə təmasda olan tibbi personal yoxlamadan keçirilib. Xəstə daha sonra helikopter vasitəsi ilə Anvers şəhərinə aparılıb.

Anvers şəhər klinikasından verilən açıqlamaya görə, xəstədə Ebola virusu ilə bağlı diaqnoz tamamilə düzdür. Artıq xəstənin müxalicəsinə başlanılıb.

Məlumat üçün bildirək ki, bu virus 2014-2016-cı illərdə təkcə Qərbi Afrikada 11 300 nəfərin həyatına son qoyub.

civilazerbaijan.com