Belarus vətəndaşlarının Avropa İttifaqına səfərləri sadələşdirilir

Xəbərin çap versiyası
Tarix: 21-05-2020, 13:25
Belarus vətəndaşlarının Avropa İttifaqına səfərləri sadələşdirilir


Avropa İttifaqına üzv olan 27 ölkənin səfirləri Belarus vətəndaşlarının blokun ərazisinə girişini asanlaşdıracaq və ucuzlaşdıracaq iki razılaşmanı qəbul ediblər. Mayın 20-də qəbul edilmiş qərar mayın 26-da Avropa Şurası tərəfindən “avtomatik prosedurla” möhürlənəcək. Razılaşmaların ən tezi iyul ayından qüvvəyə minəcəyi gözlənilir.

CivilAzerbaijan.com
bildirir ki, Brüssel və Minsk sözü gedən iki razılaşmanı ötən yanvarda imzalayıblar və sənədlər Belarus parlamenti tərəfindən ötən ay ratifikasiya edilib. Avropa Parlamenti razılaşmanı bu həftə təsdiqləyib.

Bu razılaşmalar qüvvəyə mindikdən sonra Belarus vətəndaşları Avropa İttifaqı ölkələrinə viza üçün indiki kimi 80 avro yox, 35 avro ödəcəyəklər və vizanın verilməsi barədə qərarın qəbul edilmə müddəti əhəmiyyətli şəkildə qısaldılacaq.

AzadlıqRadiosunun məlumatına görə, jurnalistlər və tələbələr də daxil bir neçə kateqoriyadan olan şəxslərə daha uzun müddətə və çoxgirişli vizalar veriləcək.

Belarusla viza rejiminin yumşaldılması ona vizasız səfər icazəsi verilməsinin keçid addımıdır.

Artıq Moldova, Gürcüstan və Ukrayna vətəndaşları Avropa İttifaqına vizasız səfər edirlər.

Burda yeganə istisnanı İrlandiya Respublikası, habelə qeyri-ittifaq ölkələri olan İslandiya, Lixtenşteyn, Norveç və İsveçrə təşkil edir.

civilazerbaijan.com



Diqqətinizi çəkə biləcək digər xəbərlər



Facebook səhifəmiz