Çində BBC-nin yayımı niyə qadağan edildi? - CAVAB

Foto: bbc.co.uk

Çin Radio və Televiziyaların Tənzimləyici İdarəsi ölkə ərazisində Böyük Britaniyaya məxsus “BBC World News” telekanalının yayımını qadağan edib.

CivilAzerbaijan.com bildirir ki, bu barədə fevralın 12-də "Xinhua" agentliyi məlumat verib.

Məlumata görə, BBC etibarlılıq və qərəzsizlik prinsipini pozmaqda ittiham edilib.

Rəsmi açıqlama yayan BBC yayım korporasiyası Çin Xalq Respublikasının öz ərazisində “BBC World News” telekanalının yayımını qadağan etməsindən məyus olduğunu bildirib.

"Biz Çin hakimiyyətinin belə yol seçim etmək barədə qərarından məyus olduq”, - deyə bəyanatda deyilir.

ToplumTV-nin məlumatına görə, şirkətin bəyanatında vurğulanıb ki, BBC-nin dünyada böyük etimada malikdir və hadisələr haqqında dürüst, qərəzsiz, cəsarətli və obyektiv məlumat verir.

civilazerbaijan.com