Rusiya Moldova və Estoniya diplomatlarını ölkədən qovdu

Rəsmi Moskva Kişinyovun analoji hərəkətlərinə cavab olaraq beş moldovalı diplomatı ölkədən çıxarır.

SİVİL.AZ xəbər verir ki, bu barədə məlumatı Rusiya Xarici İşlər Nazirliyi yayıb. Qeyd olunub ki, Moldovanın Moskvadakı səfirliyinin 5 əməkdaşı “arzuolunmaz şəxs” (“persona-non-qrata”) elan edilib.Eyni zamanda Rusiya XİN oxşar addımı Estoniyaya qarşı da atıb.

Belə ki, Moldova səfirliyinin 5 əməkdaşı 3 gün, Estoniyanın Peterburqdakı baş konsulu və Estoniya Baş Konsulluğunun Pskovdakı dəftərxanasının rəhbəri 5 gün ərzində Rusiyanı tərk etməlidir. Bu addımın rusiyalı diplomatların Moldova və Estoniyadan çıxarılmasına cavab olaraq atıldığı açıqlanıb.

Qeyd edək ki, ötən gün Moldova XİN Rusiyanın ölkədəki səfirliyinin 5 diplomatını “persona –non-qrata” elan edib. (AzVision.az)

civilazerbaijan.com