Türkiyə futbolunda zəlzələ — Fatih Terim milli komandanı tərk etdi

Türkiyə millisinin baş məşqçisi Fatih Terim istefa verib.

SİVİL.AZ xəbər verir ki, bu barədə məlumatı qardaş ölkə mətbuatı yayıb.
Belə ki, Türkiyə Futbol Federasiyasının rəsmiləri ilə bir araya gələn “İmperator”, yığmadan ayrılmağa qərar verib.

TFF prezidenti Yıldırım Dəmirörən də məlumatı təsdiqləyib: “Terim yığmanın baş məşqçisi vəzifəsindən getdi. Onunla qarşılıqlı şəkildə razılaşaraq sağollaşdıq”.

Qeyd edək ki, Fatih Terim bundan əvvəl 1993-1996 və 2005-2009-cu illərdə də Türkiyə yığmasını çalışdırıb. O, 2013-cü ildən bəri “ay-ulduzlular”ın “sükanı arxası”nda olub. (APA)

civilazerbaijan.com