"Maşın" şounun yeni buraxılışının vaxtı məlum oldu: kimlər olacaq?

1 oktyabr tarixindən "Maşın" şounun 15-ci, yubiley buraxılışı yayıma çıxacaq.

SİVİL.AZ xəbər verir ki, məlumatı "M Group Production”ın baş prodüseri Toğrul Məmmədov təsdiqləyib.

"Bu realiti şou Azərbaycan teleməkanında nəinki ən uzunömürlü, həm də ən reytinqli yarışmadır. "Maşın şou" Azərbaycan tamaşaçısını Türkiyə, Rusiya kanallarından ayırıb yerli kanallara bağlayan ən maraqlı layihədir. "Maşın" şou yeganə milli layihədir ki, yaxın vaxtlarda digər ölkələrin telekanallarında da yayımlanacaq", - deyə o, bildirib.

Layihənin təşkilatçıları əmin edir ki, "Maşın şou"nun bu dəfəki məzmunu əvvəlkilərdən tam fərqli olacaq. Artıq çəkiliş meydançasında möhtəşəm işlərə start verilib. Bu dəfəki layihədə 18 yerli ən məşhur şou-biznes nümayəndəsi, idmançılar, aktyorlar və tele-aparıcılar maşın uğrunda mübarizə aparacaq. (baku.ws)

civilazerbaijan.com