“Qarabağ” braziliyalı məşhur futbolçunu icarəyə götürür

Çempionlar Liqasının qrup mərhələsində iştirak edəcək “Qarabağ” klubu heyətini gücləndirir.

SİVİL.AZ-ın məlumatına görə, Ağdam təmsilçisi Yunanıstanın PAOK klubunun yarımmüdafiəçisi Pedro Enrike Konzeni icarəyə götürməyə hazırlaşır.

Yaxın günlərdə tərəflər arasında müqavilənin imzalanacağı gözlənilir. PAOK klubunun idman direktoru Lubos Miçel məlumatı təsdiqləyib. O bildirib ki, hələlik razılıq əldə olunmasa da, danışıqlar gedir.

Qeyd edək ki, daha öncə “Sürix” klubunda da oynamış braziliyalı yarımmüdafiəçi 2016-cı ildə “Renn” klubundan PAOK-a keçib. O, yunan klubunda 23 oyunda 6 qol vurub. (“Qafqazinfo”)

civilazerbaijan.com