Azərbaycan əhalinin sayına görə dünyada neçənci yerdədir?

Bu ilin sonuna dünya əhalisinin sayı 7,6 milyard nəfəri ötəcək.

SİVİL.AZ “Report”a istinadən xəbər verir ki, bu barədə Dünya Bankı (WB) məlumat yayıb.

Məlumatda deyilir ki, 2050-ci ildə planet əhalisi 9 mlrd. nəfərə çatacaq.

Ötən ilin sonuna olan məlumata görə, dünya əhalisi 7,4 mlrd. nəfər olub. Çin və Hindistan isə dünyanın ən çox əhalisi olan ölkələrdir - bu iki ölkə birlikdə planet əhalisinin 36,3%-i yaşayır: Çində 1378665000 nəfər (18,5%), Hindistanda isə 1324171000 nəfər (17,8%) yaşayır.

Siyahıda 3-cü yeri 4,3%-lə ABŞ tutur ki, onun da əhalisi 323127 000 nəfərdir.

Ümumilikdə, 216 dövlətin yer aldığı siyahıda Azərbaycan 9,762 milyon nəfərlə 90-cı yerdə qərarlaşıb. Bu isə dünya əhalisinin 0,13%-i deməkdir.

civilazerbaijan.com