Yığmanın yeni kapitanının adı AÇIQLANIB
Tarix: 4-10-2017, 21:25
Futbol üzrə Azərbaycan milli komandasının yeni kapitanı müəyyənləşib.
SİVİL.AZ-ın məlumatına görə, bu barədə yığmanın hazırkı kapitanı Rəşad Sadıqov 2018-ci il dünya çempionatının seçmə mərhələsində Çexiya yığması ilə oyundan əvvəl mətbuat konfransında məlumat verib.
O deyib ki, Çexiya ilə görüşdən sonra yığma karyerasını bitirdiyi üçün bundan sonra sarğını Rahid Əmirquliyev daşıyacaq.
“Növbəti seçmə mərhələyə kimi bir il qalıb. Yoldaşlıq oyunlarında futbolçuların özlərini necə göstərməsindən çox şey asılı olacaq. Bundan sonra yığmada kapitanlıq sarğısını Rahid Əmirquliyev daşıyacaq. Onun bu missiyanın öhdəsindən layiqincə gələcəyini düşünürəm. Həm Rahidə, həm baş məşqçiyə, həm də millimizə uğurlar arzulayıram”.
civilazerbaijan.com
Diqqətinizi çəkə biləcək digər xəbərlər
