Azərbaycan Premyer Liqasında XXIV turun oyunları keçiriləcək

Bu gün futbol üzrə Azərbaycan Premyer Liqasında XXIV turun oyunları keçiriləcək.

SİVİL.AZ-ın məlumatına görə, həftənin bütün matçları eyni gündə baş tutacaq.

İlk görüş Sumqayıtda, şəhərin eyni adlı təmsilçisi ilə “Neftçi” arasında olacaq. Meydan sahibləri avrokuboka vəsiqə verən 4-cü yeri iddiasını davam etdirmək üçün “ağ-qaralar”ı məğlub etməlidir. Rəqibini ilk iki dövrədə üstələyən meydan sahibi bunu bacaracağı təqdirdə, qonaqların durumu çətinləşəcək.

Günün ikinci oyununda AZAL-ın elita ilə vidalaşması rəsmiləşə bilər. Cari mövsümdə keçirdiyi 23 oyundan yalnız birində qalib gələn Şüvəlan təmsilçisi “İnter”i məğlub edə bilməyəcəyi halda I diviziona düşəcək.

Çempionluğa namizəd “Qarabağ”la “Qəbələ”nin matçları eyni saatda 18:30-da başlayacaq. Böyük ehtimalla, Azərbaycan kubokunun finalında da üz-üzə gələcək kollektivlər növbəti oyunlarını evdə keçirəcəklər. “Qarabağ” “Kəpəz”i, “Qəbələ” isə “Zirə”ni qonaq edəcək.

Azərbaycan Premyer Liqası
XXIV tur

2 aprel (bazar)
16:30 “Sumqayıt” – “Neftçi”
Hakimlər: Rəhim Həsənov, Knyaz Əmiraslanov, Cəmil Quliyev, Ramil Diniyev
AFFA nümayəndəsi: Abbas Hüseynov
Hakim-inspektor: Şaiq Həmidov
“Kapital Bank Arena” (“CBC Sport”/canlı)
İlk üç dövrə - 2:1, 2:0, 0:1

17:00. “İnter” – AZAL
Hakimlər: Rəvan Həmzəzadə, Yaşar Abbasov, Elşad Abdullayev, Fariz Yusifov
AFFA nümayəndəsi: Mübariz Hüseynov
Hakim-inspektor: Kərim Ağayev
Bakı. “İnter Arena”
İlk üç dövrə - 3:1, 3:0, 1:0

18:30 “Qarabağ” – “Kəpəz”
Hakimlər: Rauf Cabbarov, Azər Əsgərov, Vüsal Qənbərov, Əliyar Ağayev
AFFA nümayəndəsi: Vaqif Davudov
Hakim-inspektor: Məlik Həsənov
Tofiq Bəhramov adına Respublika stadionu
İlk üç dövrə - 1:1, 1:0, 1:0

18:30 “Qəbələ” – “Zirə”
Hakimlər: İnqilab Məmmədov, İsgəndər Əliyev, Cavanşir Yusifov, Elvin Əsgərov
AFFA nümayəndəsi: Məmmədəli Məmmədov
Hakim-inspektor: Rövşən Əhmədov
Qəbələ şəhər stadionu (“CBC Sport”/canlı)
İlk üç dövrə - 2:0, 1:0, 2:2

civilazerbaijan.com